嶠媽美食推介，真心抵食👍🏼👍🏼哥登堡餐廳，地點位於九龍土瓜灣，雖然唔係地鐵站就近既地方，但就係十分值得專程搭車入去食既餐廳，無論價錢、水準、質素都good👍🏼👍🏼
今次又係帶澳洲表姐一齊黎試，一行四大兩細，分開兩張car位坐，因為小朋友坐car位會好d🙈🙈我就叫左焗豬扒飯，係set dinner之一，嶠爸就叫左廚師精選推介：紐西蘭鐵板牛柳餐，汁就梗係黑椒汁啦😋😋都係set餐，包餐包+湯 (羅宋湯/忌廉粟米湯)。
芊嶠就最中意拎包包點湯食，學左媽媽🙈🙈牛柳嶠爸就叫左5成熟，有薯條伴碟，嶠媽覺得好正，牛柳好淋，配黑椒汁一個字正👍🏼👍🏼豬扒飯一放低，我就問，咩我唔係叫左焗豬扒飯咩？嶠爸就笑住禁話，舊式餐廳既焗豬扒飯係焗完會倒個飯落碟，再上比客人🙊🙊真係唔講唔知，禁又洩漏左嶠爸年齡的秘密😂😂最後，有埋餐飲+甜品，甜品可以簡花奶啫喱/雪米糍一粒，嶠爸知道我中意食啫喱，都叫啫喱，比埋我食😝😝
埋單$225，冇加一，凍飲又冇加錢，最緊要係老細都會係舖面幫手，仲送左粒糖比芊嶠&表姐姿姿👍🏼👍🏼芊嶠都因為禁，就係禁叫叔叔，又話好味 (講緊粒糖😅😅)。如果其他爸爸媽媽有時間，都可以帶小朋友去食。
🔆🔆🔆🔆🔆🔆🔆🔆🔆🔆🔆🔆🔆
地址：土瓜灣馬頭圍道440號地下
電話：2715-1639
營業時間：07:00 - 23:30
🔆🔆🔆🔆🔆🔆🔆🔆🔆🔆🔆🔆🔆
#美食推介 #抵食推介 #哥登堡餐廳 #土瓜灣馬頭圍道 #芊嶠 #嶠媽嶠爸
Search